Nasa 700 million pesos na ang jackpot sa lotto. Out of 29 million possible combinations, isang combination lang mananalo. Sobrang hirap tamaan kaya hindi malayong mangyari na umabot ang jackpot sa mahigit 1 billion pesos. Para manalo ka diyan, talagang pinili ka na ng Diyos.
Which is exactly the reason kung bakit hindi na ko tumataya. Kase kung totoong all-knowing si God, alam niyang hindi ko gagamitin sa mabuting paraan ang perang mapapanalunan ko. Sa katunayan, magbibigay ako ng mga ilang rason kung bakit hindi ako papayagang manalo ni God sa lotto.
1. Kase pag nanalo ako, hinding hindi na ko matatalo sa kahit anong argumento. Kapag malapit na kong matalo, hihirit lang ako ng isang matinding, “&%$^ MO MAGKANO KA BA? BIBILI AKONG DALAWA MO!”
2. Bibigyan ko nang bagong kahulugan ang salitang “nagsusunog ng pera” dahil literal talaga akong magsusunog ng pera. Bakit? Kase kaya ko e! Lalapit ako sa chicks tapos tatanong ko “Need a light?” tapos kukuha ako ng lighter pero hindi ko sisindihan yung yosi niya. Paliliyabin ko ang 1000 pesos tapos yun ang pang sisindi ko sa yosi niya.
3. Pag umorder ako sa KFC at sinabi nilang sold out na ang Double Down, sasampalin ko ng isang bungkos ng 500 peso bills yung cashier.
4. Sa offertory, 20 pesos pa rin ang ibibigay ko. Money doesn’t grow on trees, you know.
5. Hindi na ko gagamit ng tissue paper. Pera ang gagamitin ko. Tig-1000. Gagawin ko pang 2-ply.
Pero malay rin natin. Baka may sense of humor si God.
